Ли Кечијанг: Редот мора да се врати во Хонг Конг
Кинескиот премиер Ли Кечијанг се состана со лидерот на Хонг Конг, Кери Лам, денеска во Пекинг, по неколкумесечни насилни протести, што предизвикаа рецесија во таа специјална административна област на Кина, и нагласи дека насилството и хаосот мора да завршат.
Ли се сретна со Лам како дел од нејзините редовни консултации со Пекинг, за време на кои таа ќе се сретне и со претседателот Си Џинпинг.
Состанокот следува откако полицијата во Хонг Конг употреби солзавец врз демонстрантите во поранешната британска колонија, соочена со најтешката политичка криза што трае повеќе од шест месеци.
„Властите на специјалната административна област мора да продолжат со напорите да се стави крај на насилството и да се запре хаосот во согласност со законите и да се врати редот“, рече Ли на средбата со Лам, според телевизискиот пренос во живо.
Посетата на Лам на Пекинг се одвива во момент додека локалниот печат спекулира дали Си ќе и даде нови насоки за решавање на политичката криза, вклучително и можни промени во раководството на Хонг Конг.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња