Фудбал
31. October 2017 - 14:38

Лестер сака да го врати Раниери

Челниците на Лестер имале желба да го вратат на клупата Клаудио Раниери, но Италијанецот без размислување ја одбил понудата.
 
Како што пренесе „Коирере дело Спорт“, претседателот Вишај Шривадханапрабха го побарал поранешниот менаџер и му понудил да го наследи отпуштениот Крег Шекспир, кој во најуспешната сезона на Лестер му беше помошник на Раниери.
 
„Не благодарам“, кратко и јасно ја одбил понудата популарниот „Тинкерман“.
 
Раниери пред две сезони со Лестер приреди едно од најголемите изненадувања во историјата на модерниот фудбал откако во конкуренцијата на великаните на англискиот фудбал се закити со премиерлигашката титула.
 
Меѓутоа, во февруари, поради серијата лоши резултати, бизнисменот од Тајланд реши да му врачи отказ на Раниери и тогаш за менаџер го постави асистентот на Италијанецот Шекспир.