„Лејди антебелум“ го промени името во „Лејди А“ поради расистичкиот контекст
Кантри-групата „Лејди антебелум“ го промени името на составот во „Лејди А“ и изрази жалење затоа што старото име потсеќало на времето на робовладетелството во САД.
Членовите на еден од најуспешните американски кантри-состави, во отворено писмо соопштија дека пред 14 години го нарекле така по архитектонскиот стил на куќата во којашто ја направиле својата прва заедничка фотографија. „Antebellum” (на латински – „пред војната“) е архитектонски стил карактеристичен за куќите на робовладетелски југ на САД пред Граѓанската војна (1861 – 1865).
„Меѓутоа, нам ни е жал и се чувствуваме посрамено што не го зедовме предвид значењето на тие зборови кои се однесуваат на времето пред Граѓанската војна, вклучувајќи го тука и ропството. Изразуваме огромно жалење поради нанесената болка и за секого што се почувствувал несигурно, незабележан или неважен”, се вели во известувањето.
Изразот Антебелум се користи и за опис на културата на југот на САД пред Војната.
Промената на името на групата уследи по масовните протести поради расизмот во САД, коишто пак, беа поттикнати од смртта на Афроамериканецот Џорџ Флојд.
Бендот е основан во Нешвил 2006 година и е нajпознат по хитот „Need You Now” за којшто доби и Греми.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација