Ле Дријан: Битката за Мосул може да трае со месеци
Францускиот министер за одбрана Жан-Ив Ле Дријан денеска предупреди дека битката за заземањето на ирачкиот град Мосул, од рацете на таканаречната Исламска држава, може да трае со месеци, јави Танјуг.
-Тоа може да биде една долга битка, а не блицкриг. Таа може да трае повеќе недели, а можеби и месеци, рече Ле Дријан пред новинарите во Париз, ден по почетокот на офанзивата врз Мосул.
Долгоочекуваната офанзива врз овој ирачки град почна вчера, а во оваа најголема воена операција во Ирак од повлекувањето на американските сили во 2011 година, учествуваат околу 30.000 војници.
Американската војска, која ја предводи коалицијата што дава поддршка на офанзивата од воздух и на терен, исто така, предупреди дека битката може да биде долга и тешка.
Франција во четврток ќе биде домаќин на меѓународен самит на тема политичката иднина на Мосул, додека министрите за одбрана на членките на коалицијата ќе се состанат следниот четврток во Париз за да го проценат напредокот на воениот фронт.
Ново на Сител
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа