„Лајка“ ќе ја презентира програмата за работа по реакциите во јавноста
По реакциите во јавноста во врска со работата на „Лајка“, вечер Град Скопје ќе ја презентира програмата за работа на ова јавно претпријатие.
– Изминативе денови во јавноста се изнесоа голем број дезинформации и невистини во врска со програмата. Ве повикуваме во вторник во 18 часот на аргументирана дебата со конструктивни предлози за програмата на ЈП „Лајка, се вели во поканата од Град Скопје.
Во јавноста изминатиот период имаше реакции дека во програмата за работа на стационарот „Лајка“ е предвидена еутаназија на кучиња со позитивен тест на парвовироза и штенечак, додека на кучињата кои ќе бидат позитивни на тестот на лишманија и срцев црв ќе им биде дадена шанса да бидат преземени во рок од 48 часа, по што и тие ќе бидат еутанизирани. Најмногу реагираа активистите на животни според кои со ваквите постапки се врши геноцид врз животните.
На 28 февуари лани Советот на Град Скопје ја усвои одлуката за формирање на „Лајка“. Новото јавно претпријатие се формираше бидејќи граѓаните и здруженијата за заштита на животните не беа задоволни од третманот на улични животни. Новото јавно претпријатие под своја надлежност во целост треба да ги преземе активностите за заловување на животните скитници, нивна стерилизација, ветеринарна грижа, регистрирање, како и процедурите за нивно вдомување.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка