Ла лига: Гризман подобар од Меси и Роналдо

На свечена церемонија, во понеделникот во Мадрид, беа прогласени најдобрите фудбалери во изминатат сезона во шпанскиот фудбал, La Liga. Лауреат за минатата сезона е напаѓачот на Атлетико Антоан Гризман.

 

La Liga на свечена церемонија подели награди во девет категории, а најголем дел од нов заминаа на „Винсенте Калдерон“, домот на фудбалерите на Атлетико Мадрид.

 

Лауреат за изминатата сезона е Антоан Гризман, кој ја доби две награди: навивачите го избраа за најпопуларен играч, а францускиот репрезентативец ја доби и најпрестижната награда на церемонијата, онаа за фудбалер на годината.

 

Награди добија и соиграчите на Гризман, Јан Облак за најдобар голман и Диего Годин за најдобар дефанзивец. Награда освои и Диего Симеоне од Атлетико за тренер на годината.

 

Најдобар играч од средниот ред е Лука Модриќ, неговиот соиграч Марко Асенсио кој минатата сезона настапуваше во Еспањол ја доби наградата за најдобар млад фудбалер.

 

Две награди освоија фудбалерите на Барселона, Лео Меси е најдобар напаѓач, а Луис Суарез најдобар странски фудбалер во La Liga.