Курти: Разграничувањето со Црна Гора е на голема штета на Косово
Односите меѓу Подгорица и Приштина се многу добри, но со договорот за разграничување на Косово е нанесена голема штета, изјави за „Побједа” Албин Курти, претседател на „Самоопределување” и најверојатен нов премиер на таа земја.
Но, зборувајќи за разграничувањето, Курти вели дека претходната косовска власт наместо демаркацијата на границата со Црна Гора, таа поставила нова граница, со која Косово загубило 8.200 хектари земја.
Тој, исто така, истакна дека веднаш штом ја преземе функцијата нов премиер, сака да се сретне со премиерот на Црна Гора Душко Марковиќ, со властите во Подгорица и да види што може да се стори.
– Ние ќе ги разгледаме можностите и ќе се осигураме да нема губитници во овој договор. Верувам дека ќе наидам на разбирање кај другата страна. Впрочем, имаме договор меѓу претседателите Хашим Тачи и Филип Вујановиќ од 16 февруари 2018 година за корекција на демаркацијата, што може да ни помогне во тоа, заклучи Курти.
Ново на Сител
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто
-
Излезноста во Струга до 9 часот 2,4 отсто, во Вевчани 5,5 проценти
-
Во Неготино до девет часот гласале 5.83 проценти од гласачите
-
До 9 часот во Дебар еден отсто, во Центар Жупа 1,9 отсто излезеност
-
Во Велес и Велешкo до 9 часот излезеноста е 4,97 проценти
-
Излезноста до 9 часот изнесува 3,85 отсто
-
Медиуми: УЕФА ќе дозволи 26 фудбалери на ЕУРО2024