Свет
16. April 2018 - 8:22

Курц повикува на продолжување на мировните преговори за Сирија

 Австрискиот канцелар Себастијан Курц повика на обновување на мировните преговори за Сирија, кои се одржаа во Виена во 2015 година, со цел прекин на крвопролевањето во опустошената земја.

- Не е можно воено решение на конфликтот кој веќе донесе огромни страдања на сирискиот народ, истакна Курц во пишана изјава.

Тој додаде дека „по шокантната употреба на хемиско оружје на 7 април и неодамнешната западна воена акција во Сирија, сега на дневен ред е потребата да се работи на мировен процес“.

- Сирискиот народ веќе поднесе премногу страдања, со над 400.000 загинати и над пет милиони бегалци надвор Сирија, подвлече Курц и потсети дека Австрија има долга традиција на дијалог и медијација во решавањето на конфликтите и е подготвена да биде домаќин на преговорите за Сирија во секое време.