Кривични пријави против две лица за недозволена трговија со дрога
Секторот за внатрешни работи Скопје - Единица за недозволена трговија – Одделение за недозволена трговија со дрога, поднесе две кривични пријави до надлежното Основно јавно обвинителство - Скопје против Д.Т.(28) и М.Ѓ.(24), поради основано сомнение дека, во два одвоени случаја, сториле кривично дело „неовластено производство и пуштање во промет наркотични дроги, психотропни супстанции и прекурзори“ предвидено и казниво по член 215 од Кривичниот законик на РМ.
Пријавените подолг временски период, односно од втората половина на 2017 година и почетокот на 2018 година, неовластено од непознати лица набавувале наркотична дрога и психотропни супстанции, ги чувале во своите домови, каде ги препакувале и ги продавале на корисници во главниот град.
Со претходно обезбедена судска наредба извршен е претрес во домот на лицето Д.Т. во Скопје и притоа се пронајдени 272 грама марихуана и 75 грама хашиш. Извршен е претрес и во домот на М.Ѓ. каде се пронајдени и одземени 95 грама марихуана.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка