Кривична пријава за дебранец кој узурпирал државно земјиште
Дебарското одделение за внатрешни работи поднесе кривична пријава против А.М(53) од Дебар поради постоење основи на сомнение за сторено кривично дело „узурпација на недвижности“.
– А.М.во текот на 2020 година, во близина на неговата куќа во населбата „Ќернаница“ во Дебар узурпирал и оградил 105 метри квадратни државно земјиште.Со тоа тој противправно се стекнал со имотна корист од 406.822 денари, изјави Стефан Димоски, портпарол на Секторот за внатрешни работи-Охрид.
Тој информираше дека синоќа во 21:05 часот на улицата „Велко Влаховиќ“ во Дебар нарушен е јавниот ред и мир со викање и непристојно однесување од страна на Д.Д. (40) жител на селото Баланци, општина Центар Жупа.Тој е приведен и против него ќе биде поднесена соодветна пријава.
Што се однесува до мерката за носење лична заштита на лицето, на ова подрачје, во последното деноноќие, полициските службеници констатирале четири прекршоци и на овие лица им издале прекршочни платни налози.
Воедно, посочува Димоски, полициските службеници во соработка со Државниот пазарен инспекторат извршиле шест контроли во угостителски и други објекти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка