Крис Браун повторно осомничен за насилство врз жена
Популарниот американски пејач Крис Браун наводно е повторно осомничен за насилство врз жена. Бразилскиот модел Лизиана Гутиереш тврди дека се обидела да го фотографира пејачот кој насилно и го одземал телефонот и ја удрил по лице.
Браун, Новата година ја дочекал во Лас Вегас каде веќе на први јануари имал настап во еден од ноќните клубови, а проблемите со младата ѕвезда започнале веќе следното утро.
Како што пренесуваат американските медиуми, Браун забавата ја продолжил со голем број пријатели во една од хотелските соби во Палмс Казино Ресорт, од каде полицијата добила пријава во саботата околу 10:20 часот.
Полицијата го обвинила Крис за насилство врз девојка и обид за кражба, а според полицискиот извештај, една од девојките кои биле на забавата се обидела со телефон да го фотографира Браун кој веднаш ја нападнал, ја удрил по лице и и го одземал телефонот.
Наводно жртвата на 26-годишниот пејач е бразилскиот модел Лизиана Гутиереш.
Пејачот пред пристигнувањето на полицијата го напуштил хотелот, а неговиот портпарол вели дека тврдењата на девојките не се точни, туку дека најверојатно станува збор за освета со оглед на тоа дека Браун му наредил на обезбедувањето да ја исфрлат девојката од забавата.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар