Свет
29. јуни 2017 - 18:47

Кремљ: Путин и Трамп ќе се сретнат на маргините на Самитот на Г-20

Рускиот и американскиот претседател Владимир Путин и Доналд Трамп ќе се сретнат на маргините на Самитот на Г-20 во Хамбург но не е планирана посебна средба, изјави денеска потпаролот на Кремељ Дмитриј Песков. 

- Во секој случај тие ќе се сретнат на маргините на Самитот, но не е планирана посебна средба, истакна Песков.

Тој додаде дека Путин денеска ќе има кратка средба во Москва со поранешниот државен секретар на САД, Хенри Кисинџер.

Песков истакна и дека рускиот претседател денеска ќе го прими и германскиот министер за надворешни работи Зигма Габриел.