Косовското Собрание бара прекин на дијалогот со Белград се до ослободувањето на Харадинај
Косовското Собрание денеска усвои Резолуција со која се бара безусловно ослободување на поранешниот премиер на Косово, Рамуш Харадинај и прекин на дијалогот меѓу Белград и Приштина се до исполнувањето на овој услов.
Како што јави Танјуг, со Резулуцијата, усвоена со мнозинство гласови, косовската Влада се обврзува нејзина примарна задача да биде ослободување на Харадинај и да побара од ЕУ „да ја натера Србија да ги поништи сите потерници и обвиненија“ против косовските Албанци.
Резолуцијата ја предложи опозициската Алијанса за иднината на Косово, чиј лидер е Харадинај, но таа беше подржана и од владејачките партии.
Харадинај се наоѓа во Франција, каде Судот во градот Колмар треба да донесе одлука по барањето на Белград за негова екстрадиција во Србија, која го товари за воени злосотрства извршени во Косово. Судот досега во два наврати го одлагаше донесувањето одлука по српското барање. Следното судско рочиште е закажано за 6 април.
Харадинај беше уапсен на 4 јануари на аеродромот во Базел врз основа на потерница на Интерпол покрената од Србија. На 12 јануари Судот во Колмар го ослободи Харадинај од притвор, но му забрани да ја напушти Франција се до донесувањето на конечната одлука по барањето на Белград.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“