Косовски медиуми: Можно е Харадинај да биде кандидат на опозицијата на вонредните избори во Косово
Косовските медиуми објавија дека Рамуш Харадинај, некогашниот командант на Ослободителната војска на Косово (ОВК) можно е да биде единствениот кандидат на опозицијата на евентуланите вонредни парламентарни избори во Косово.
Харадинај, лидерот на Алијансата за иднина на Косово, во Колмар ја очекува одлуката на францускиот суд за тоа дали ќе биде ослободен и ќе се врати во Приштина или ќе биде екстрадиран во Србија. Одлуката треба да биде донесена на 27 април.
Србија го обвини Харадинај за извршување на воени злосторства.
- Убеден сум дека во моментов најсериозна кандидатура, најсигурна и најдобра, е понудата на господинот Харадинај, идниот премиер на Косово, изјави лидерот на Иницијатива за Косово Фатмир Лјимај, најавувајќи ја можноста Харадинај да биде единствениот кандидат на косовската опозиција на евентуалните вонредни парламентарни избори во Косово.
Лјимај објасни дека следните две недели се клучни за тоа дали во Косово ќе бидат одржани вонредни избори.
Косовските медиуми јавија дека Инцијатива за Косово наводно уште од утре ќе започне со собирање на потписи за изгласување на недоверба за косовската Влада.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка