Џет-Сет
20. August 2019 - 15:12

Кошаркарскиот дрес на Барак Обама продаден за 120.000 долари

Кошаркарскиот дрес од младоста на поранешниот американски претседател Барак Обама, беше продаден вчера на аукција во Тексас, за 120.000 долари.

Купувачот претпочитал да остане анонимен. На наддавањето имало 27 понуди. Според првичните информации, дел од приходите ќе отидат во образовни цели.

Дресот со бројката 23 Обама го носел кога имал 18 години, во средно училиште на Хаваите, каде што живеел. Тој 1979 година играл за кошаркарскиот тим Пунахоу од Хонолулу, којшто беше државен првак на Хаваите.

Image result for barack obama in basketball shirt

Дресот пред аукцијата бил проценет на 100.000 долари.

Инаку, поранешниот претседател на САД е љубител на кошарката, и доста често ја практикуваше во Белата куќа, со персоналот, но и со гостите.