Конзилиум сега се одлучува дали ќе биде ампутирана ногата на 20-годишна патничка
Десетмина од повредените во завчерашната сообраќајната несреќа кога автобус се преврте на автопатот Скопје-Тетово, се во тешка здравствена состојба, а двајца во критична.
Министерот за здравство Венко Филипче, кој денеска ги посети повредените во Градската општа болница „8 Септември“, изјави дека таму се лекуваат 28 повредени, а шест ќе бидат пуштени на домашно лекување.
– Од вкупниот број пациенти шест се наоѓаат во одделот за интензивно лекување. Кај двајца од нив во текот на вчерашниот ден е направена хирушка интервенција. Сите се со стабилни витални параметри. Кај двајца од нив најдоминатни им се повредите на главата, се политрауматизирани и поставени на респираторна машина. Состојбата им е критична. И другите пациенти кои се во Одделот за интензивно лекување исто така се политрауматизирани и доминантни им се повредите на градниот кош и на стомакот, рече Филипче.
Потенцира дека во Клиничкиот центар се лекуваат осум пациенти од кои четворица се на Клиниката за анестезија, реанимација и интензивно лекување, по еден пациент има на клиниките за трауматологија, неврохирургија, торакална хирургија, а една бремена жена се лекува на Клиниката за гинекологија и е во добра општа состојба.
– Четворицата пациенти кои се сместени во КАРИЛ се во тешка состојба. Кај една млада пациентка на возраст од 20-тина години ќе се прави хирушка интервенција. Конзилиум сега се одлучува како ќе продолжи третманот на нејзината нога која тешко повредена и згмечена и постои можност да и биде ампутирана. Останатите пациенти имаат повреди на локомоторниот систем, на градниот кош и на стомакот, додаде Филипче.
Директорот на ГОБ „8 Септември“, Христијан Костов истакна дека двајцата пациенти кои беа пренесени од Одделот за интензивно лекување, 15-годишното момче и 40-годишниот пациенти синоќа заради влошување на состојбата и губење на крв биле внесени во оперативниот протокол.
– Прво беше оперирано момчето, кое има повреда на црниот дроб и крварење на абдоменалната шуплина и сето тоа е санирано, а и кај другиот пациент со повреда на дел од тенкото црево и беше извршена интервенција. Тие се во стабилна состојба и се во Одделот за реанимација, додаде д-р Костов.
Во автобуската несреќа загинаа 14 патници, а повредени беа 37 други.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово