Кошарка
14. October 2017 - 11:46

Комплетирана првата рунда во Евролигата

 
 
 Со трите натпревари кои кои беа одиграни синоќа, комплетирано е првото коло од новата сезона во кошаркарската Ереволига. 
 
Поранешниот македонски репрезентативец Перо Антиќ одигра одличен натпревар во Каунас, но неговата Црвена звезда загуби од Жалгирис со 78-76. Антиќ средбата ја заврши со 17 поени и три скока. 
 
На средбата одиграна во „Блауграна“ шпанската Барселона славеше убедлива победа со 98-71 во дуелот со грчкиот Панатинаикос. 
 
Најзаслужен за високота победа на Барселона, беше новото засилување, Кевин Серафин кој средбата ја заврши со 24 поени. 
 
Во последниот дуел Химки го совлада шпанскиот шампион Валенсија со 75-70.
 
На натпреварите одиграни ден порано, беа постигнати овие резултати: Анадолу Ефес - Реал Мадрид 74-88, ЦСКА Москва – Милано 93-84, Бамберг - Макаби Тел Авив 71-88, Олимпијакос – Басконија 75-64 и Уникаха – Фенербахче 68-67.
 
Втората рунда ќе се игра на 19 и 20 октомври.