Командантот на курдските сили во Сирија: Поради турските напади операцијата против ИД е прекината
– Главниот командант на курдските сили Мазлум Абди денеска изјави дека операциите против ИД се прекинати поради минатонеделните турски напади во северна Сирија.
Тој нагласи дека по речиси една недела турски воздушни напади во северна Сирија, Анкара се подготвува за копнена офанзива.
Командантот на Сириските демократски сили рече дека опозициските борци поддржани од Турција се подготвуваат да учествуваат во операциите.
Абди додаде дека турските напади во текот на изминатата недела предизвикале сериозна штета на инфраструктурата.
Според него, Турција го користи смртоносниот бомбашки напад во Истанбул на 13 ноември, за кој Анкара ги обвини курдските групи. Курдските организации негираа каква било вмешаност во нападот во Истанбул во кој загинаа шест, а беа ранети десетици луѓе.
Сириските Курди поддржани од Вашингтон претходно негираа каква било поврзаност со нападот во Истанбул.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп