Kолумбиjа затвори музеј на Пабло Ескобар
Колумбискиот град Меделин, во соработка со миграциските служби, вчера го затворија музејот посветен на наркобосот Пабло Ескобар, еден од најбогатите криминалци во историјата. „Сопственикот“, пак, ќе треба да плати казна од 36 милиони пезоси (12.200 долари).
Имено, музејот ја нема потребната лиценца за работа, а бил менаџиран од Роберто Ескобар, брат на поранешниот шеф на картелот „Меделин".
- Не би сакал луѓето да доаѓаат во нашиот град, па и во нашата земја, за да му се воодушевуваат на криминалот. А уште помалку да се заработува од сето тоа, изјави градоначалникот Федерико Гутјерес Сулуага.
Музејот се наоѓаше во една од куќите на Ескобар. Во него се изложени неговиот мебел, лични предмети и автомобили, од кои еден е и со дупка од куршум.
Според градските власти, туристите плаќале по 90.000 пезоси (околу 30 долари) за влез. Роберто Ескобар пак тврди дека влезот не се наплаќал, туку посетителите давале „доброволни прилози“.
Пабло Ескобар, за кого се смета дека е одговорен за убиства на околу 6.000 луѓе, беше застрелан од силите за безбедност во 1993 година.
Ново на Сител
-
Србија: Приведени четворица припадници на косовската полиција
-
СПМ: Пендаровски секогаш бара вина кај другите
-
Османи: Петмина косовски полицајци се држат во заложништво во Србија
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток