Ракомет
15. January 2016 - 23:55

Кирил Лазаров: Верувам во нас

Капитенот на македонската репрезентација Кирил Лазаров со 9 голови беше најефикасен на дуелот, а по натпреварот во микс зоната изјави:

-   Нереално ќе беше ако ја победевме Франција. 50-тина минути игравме квалитетно. Многу работи и добри и лоши се случија во тие 60 минути. Ние сме Македонија не Франција немаме репертоар на играчи. Овие бодови не ни беа планирани. Во недела ќе пробаме да ги изненадиме домаќините. Полска е за нијанса „понаивна“ од Франција. Секој прв натпревар е тежок и против Франција беше. Не сум разочаран и депримиран. Верувам во нас, заврши капитенот.

 

Од Краков, 

Марјан Ников