Свет
9. February 2020 - 13:43

Кина: Работниците треба да се враќаат на работа, за да продолжи индустриското производство

Специјалната група за коронавирус на кинеската Влада денеска соопшти дека на вработените во најважните гранки од индустријата треба да им се пружи помош да се вратат на работа што е можно поскоро, за да го продолжат производството на основните животни намирници и санитетски материјали, пренесе државната телевизија ЦЦТВ.

Производството е нарушено заради епидемијата на коронавурус, а специјалната група наведе дека работниците треба да се враќаат на своите работни места во серии, а не сите одеднаш, за да се намали ризикот од инфекција.

Специјалната група, исто така, на железниците, авиокомпаниите и остатокот од јавниот превоз им нареди да го координираат својот пристап и да го минимизираат ризикот од пренесување на болеста, пренесоа британските медиуми.