Кина продолжува да се вооружува побрзо од другите земји

Кина продолжува да се вооружува побрзо од другите земји, се наведува во извештајот на Меѓународниот институт за стратешки истражувања, кој е објавен денеска во Лондон.

Во документот се наведува дека во некои воени области вооружувањето е се понапредно, што Кина речиси се израмнува со Западот.

- Военотехнолошката супериорност на Западот, која беше фактички потврдена, сега е се пооспорувана, изјави директорот на институтот, Џон Чипман.

Откако Азија ја надмина Европа во 2012 година во вооружувањето, трошоците, кои се издвојуваат за одбраната, продолжуваат да растат за пет-шест проценти годишно.

Буџетот на Кина за одбрана минатата година изнесуваше 145 милијарди долари. Тоа е се уште многу далеку од САД (604,5 милијарди долари), но многу повеќе од Русија (58,9 милијарди долари), Саудиска Арабија (56,9 милијарди долари), Велика Британија (52,2 милијарди долари) или Франција (47,2 милијарди долари).