Кина: Погубен поранешен шеф на полицијата во провинцијата Внатрешна Монголија
Поранешниот шеф на полицијата на кинескиот регион Внатрешна Монголија, Џао Липинг, (65) е погубен заради убиство на својата љубовница, денеска јавија кинеските медиуми.
Во ноември Џао беше прогласен за виновен за убиство, поткупување и поседување оружје и експлозиви, пренесоа француските медиуми.
Кинескиот Врховен суд денеска соопшти дека Џао е погубен, откако судот претходно му ја потврди пресудата, пренесе кинеската агенција Ксинхуа.
Погубувањата во Кина најчесто се изведуваат со смртоносни инјекции или со огнено оружје, но во овој случај не е прецизиран начинот на кој Џао го загуби животот.
Тој беше затворен во 2015 година заради сомнение дека ја убил 28-годишната жена со која имал интимна врска, бидејќи таа сакала да ги открие злоупотребите кои ги вршел, претходно пренесоа кинеските медиуми.
Ново на Сител
-
Повеќе скопски општини без струја
-
ОБСЕ/ОДИХР ќе ги соопшти првичните оценки за изборите
-
30 години Тинекс
-
Силјановска Давкова победи во 60 општини, Пендаровски во 3, Османи во 15, Таравари и Димитриевски во по една
-
Силјановска Давкова и Пендаровски во вториот круг претседателски избори
-
Првични резултати на ДИК
-
Норвешка донира 76 возила на македонската Армијата
-
Димитриевски победи во Куманово, Таравари во Гостивар, а Јакимовски загуби во Карпош