Свет
4. September 2016 - 14:07

Кери: Уште малку тешкотии на патот кон спогодбата САД-Русија за Сирија

Американскиот државен секретар Џон Кери денеска изјави дека се надминати голем број технички проблеми на патот кон постигнување на спогодба меѓу САД и Русија за Сирија, но остануваат уште неколку тешкотии, пренесоа британските медиуми.

-САД се согласни утре да се оддржи нова средба со Русија за да се направи обид за надминување на останатите проблеми, рече Кери во кулоарите на самитот на Г-20 во кинескиот град Хангџу.

Рускиот заменик министер за надворешни работи Сергеј Рјабков изјави дека Русија и САД се приближуваат кон спогодбата за Сирија, пренесоа британските меидуми.

-Се приближуваме кон договор. Но дипломатското искуство бара време за реализација. Не можам да Ви кажам кога ќе се постигне и објави спогодбата. Според мене, немаме причина да очекуваме преговорите да пропаднат. Најинтензивната работа продолжува. Пред да ја ставиме последната тула, не можеме да кажеме дека сме постигнале резултати, рече Рјабков, цитиран од британските медиуми.