Картер: Почнаа подготовките за изолирање на Рака
Меѓународната антиџихадистичка коалиција ги започна подготовките за изолирање на сирискиот град Рака, кој важи за престолнина на т.н. „Исламски Калифат“, што го прогласи групата Исламска држава (ИД), соопшти вечерва во Париз, американскиот секретар за одбрана Ештон Картер.
- Ги започнавме подготвителните активности за изолирање на Рака, изјави Картер, додавајќи дека овие подготовки се одвиваат паралелно со меѓународната операција за потиснување на ИД од ирачкиот град Мосул.
Картер, кој учествува на средбата на министрите за одбрана на 13-те земји вклучени во меѓународната антиџихадистичка коалиција, нагласи дека во операцијата за преземање на контролата над Рака треба да учествуваат локални сили, како по примерот на акциите за ослободување на Манбиџ во август годинава, во која учествуваа здружените арапско-курдски сили или на Дабик кон средината на овој месец, која ја спроведоа сириските бунтовници поддржани од Турција.
- Операцијата може да ја спроведат само локални жители, кои сакаат да и нанесат траен пораз на ИД. Тоа не можат да го сторат сили од надвор, рече Картер.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп