Спорт плус
19. February 2016 - 9:49

Караван на европскиот првак Иџе низ Македонија

Двократниот европски првак во автомобилизам Игор Иџе Стефановски го започна својот караван „Шампионот обединува насмевка, живот и едукација“ во Домот на културата во Прилеп. Иџе младите прилепчани ги посоветува околу безбедност во сообраќајот и ги мотивира да се занимаваат со спорт, да ја почитуваат фер играта, да бидат истрајни во тренинзите и  внимателни во сообраќајот. 
 
Караванот на „летечкиот македонец“ е збогатен со оргиналното возило на шампионот, картинг и симулатор од неговата виртуелна тркачка академија „Стефановски“.
 
Стефановски посади и пет садници како свој допринос за почист воздух во градот Прилеп.
 
Како што информира „Стефановски Рејсинг Тим“, покрај Иџе, повеќе гости дале свој придонес на караванот, меѓу кои и наш сограѓанин со својата трогателна исповест за доживеана сообраќајна несреќа од која останал во инвалидска количка.
 
Караванот денеска во 12 часот ќе биде во спортската сала во Битола.