Канадскиот премиер Трудо најави контрацарини од 25 отсто на американските стоки
Канадскиот премиер Џастин Трудо синоќа изјави дека Канада ќе воведе царина од 25 отсто на американските стоки во вредност од 155 милијарди канадски долари (106,5 милијарди американски долари) како одговор на американските царини.
-Царините за 30 милијарди канадски долари ќе стапат на сила во вторник, додека преостанатите 125 милијарди канадски долари ќе бидат воведени во рок од 21 ден, рече Трудо на прес-конференција.
Американскиот претседател Доналд Трамп претходно потпиша извршна наредба за воведување царини од 25 отсто за сите стоки од Канада и Мексико почнувајќи од вторник, освен за канадските енергетски производи, кои ќе подлежат на царина од 10 отсто.
Трудо предупреди дека царините ќе им наштетат на САД, долгогодишен сојузник. Тој ги повика Канаѓаните да купуваат канадски производи и да летуваат во својата татковина наместо во САД.
Тој додаде дека се разгледуваат и некои нетарифни мерки, вклучително и оние кои се однесуваат на клучните минерали, набавките на енергија и други партнерства.
Американскиот претседател Доналд Трамп изјави во петокот дека „ништо нема да го спречи да воведе царини од 25 отсто на сите производи од Канада и Мексико“, додавајќи дека стоките од Кина ќе имаат 10 отсто повеќе царини отколку што се во моментов.
Ново на Сител
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО
-
71-годишен кумановец загина во сообраќајка при судар со товарно возило
-
Кривична пријава против две лица од Велешта кои му се заканувале на пратеник од Струга
-
ЦУК: 15 пожари на отворен простор, девет активни и шест под контрола
-
Од ноќеска нестабилно со пороен дожд и грмежи и услови за краткотрајно невреме, особено во четврток