Бизнис
21. January 2021 - 16:35

Каков ефект ќе донесе укинувањето на 71 увоз на давачка?

Пониски трошоци, зголемено производство и конкурентност за 15%, поголеми инвестиции за 30 отсто и поатрактивна земја за привлекување странски директни инвестиции. Ова ќе бидат придобивките за извозните компании, по одлуката на Владата за укинување на 71 увозна давачка - покажало истражувањето на Фајнанс Тинк. Со ваквата мерка, ќе зајакне потенцијалот на фирмите и истите можат да станат мотор за економско закрепнување на земјава.

-Оваа мерка ги адресира ограничувањата со кои се соочуваат извозниците, односно помалата конкурентност, заради високите увозни давачки и трошоци за залихи, но истовремено ќе ги интензивира потенцијалите за пораст на инвестициите и производството. Мерките треба да се насочат и кон поголема соработка на домашните со извозните компании, изјави Благица Петрески, Фајнанс Тинк.

Од 1-ви февруари без царина ќе влегуваат суровини и репроматериајали за метало преработувачката индустрија. Компаниите задоволни што се прифатени дел од нивните барања , со што полесно ќе ги надминат последиците  од кризата. 

-Одлуката е за поздравување, посебно што се укинуваат  царините за текстилната индустрија, а кај нас има укинување при увоз во електро секторот. Со тоа ќе се овозможи влез на поевтини суровини, со што можеме да бидеме поконкурентни и да освојуваме пазари надвор од Македонија, изјави Горан Антевски, Раде Кончар. 

Инаку ова е прватата мерка од петтиот сет, кој се очекува да биде донесен следната недела. Покрај неа, бизнисот бара да продолжи и помошта со исплатата на минимална плата,  евтини кредити и укинување или намалување на царините при влез на нова опрема. Оптимисти се за претсојниот период и заздравување очекуваат некаде после мај.