Јункер: Грчката криза цела 2015 година ја тестираше европската солидарност
Претседателот на Европската комисија Жан-Клод Јункер во авторски текст на социјалните мрежи тврди дека во текот на поголемиот дел од минатата година грчката криза ја стави европската солидарност на жесток испит, информира весникот „Вима“.
-Од почетокот на 2015 година разговорите со Грција на испит го ставија трпението на сите. Загубено беше многу време и доверба. Мостовите паднаа. Беа кажани зборови кои не можат лесно да бидат проголтани. Видовме како европските демократии се исправаат една против друга, посочи Жан-Клод Јункер.
Тој, меѓутоа, смета дека европската солидарност надвладеа и дека довербата почна да се враќа.
Клучот сега е во извршување на реформите во земјата и Комисијата да продолжи да ја поддржува грчката држава, давајќи и услуги и техничка помош за поддршка на структурните реформи што ги прави, пишува уште претседателот на Еврокомисијата.
Во својата статија Жан-Клод Јункер се задржува и на бегалската криза, забележувајќи дека европската солидарност и натаму ќе биде подложена на тестови . Тој подвлече дека биле преземени чекори, во тој правец, но упати и критики за тоа дека не се исполнуваат веќе поставените цели.
Ново на Сител
-
ЦУК со апел за внимателност поради најавените метеоролошки промени
-
Во Грција уапсени 67 лица за спортско насилство и убиство на полицаец
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи