Јолевски на СЕДМ: Подготвени сме веднаш да бидеме дел од НАТО
„СЕДМ процесот се докажа како одличен форум за регионална соработка во областа на безбедносни предизвици. Наша задача е колку е можно повеќе да го користиме овој процес за заеднички да придонесеме кон меѓународната безбедност и стабилност“, рекол министерот Јолевски на денешниот СЕДМ состанок кој се одржува во рамки на Сеопфатниот министерски состанок во Дубровник, Хрватска.
На состанокот, соопшти денеска МО, тој посочил дека Република Македонија продолжува на нејзиниот пат кон полноправно членство во НАТО и Европската Унија.
- Македонија направи многу за да ги достигне овие стратегиски цели. Ние сме подготвени веднаш да бидеме дел од Алијансата, рекол министерот Јолевски и додал дека за тоа има поддршка од сите политички чинители во државата и од граѓаните на Република Македонија.
На маргините на состанокот,Јолевски остварил средби со повеќе негови колеги, меѓу кои и со министерот за национална одбрана на Република Турција, Исмет Јилмаз, со кој потпишал Договор за воено финансиска соработка. Јолевски имал средба и со делегација од словенечкото Министерство за одбрана.
На средбите, стои во соопштението од МО, Јолевски изразил задоволство од нивото на соработка со сојузничките земји. Тој посочил дека Република Македонија останува на своите стратегиски цели, членство во Алијансата и ЕУ, за што добил безрезервна поддршка од неговите колеги.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање