Јолевски на министерски состанок на А5 и процесот СЕДМ во Дубровник
Министерот за одбрана на Република Македонија Зоран Јолевски денеска и утре ќе учествува на Сеопфатниот регионален министерски состанок во формат А5-Јадранска повелба и процесот СЕДМ, што ќе се одржи во Дубровник, Република Хрватска.
На состаноците на САД-Јадранската повелба и на процесот СЕДМ, министрите за одбрана ќе разговараат за проектите и активностите во одбраната и безбедноста, како и за можното заедничко учество во мировни операции, особено оние предводени од Обединетите Нации.
Како што е најавено, се очекува министерот Јолевски на маргините на состанокот да оствари повеќе средби, меѓу кои и со Евелин Фаркаш, заменик-помошник на Секретарот за одбрана на САД, министерот за национална одбрана на Турција, Исмет Јилмаз, министерот за одбрана на Словенија, Андреја Катиќ и со потсекретарот за одбрана на Италија, Доменико Роси.
На Сеопфатниот министерски состанок учество ќе земат министрите за одбрана на земјите од Југоисточна Европа, меѓу кои и Словенија, Босна и Херцеговина, Турција, Молдавија, Албанија, Италија, Бугарија, Црна Гора, Романија, заменик-помошникот на секретарот за одбрана на САД, РАКВИАК, Обединетите Нации и други.
Ново на Сител
-
Променливо облачно со повремен дожд, грмежи и ветер
-
ПП-Демократска Бугарија го доби мандатот за формирање влада и веднаш го врати нереализиран
-
Пожар на дел од куќа во Кавадарци
-
Еден отстранет и дисциплинска за петмина полицајци за инцидентот пред тетовската болница
-
Пронајдено двегодишно девојче кое исчезна во Сиднеј
-
Им дал 800 евра а за возврат му ветиле дијаманти, измамен кумановец во Скопје
-
Избоден маж на Бит Пазар поради недоразбирање во сообраќајот
-
Кочанчанец им се заканувал на полицајци преку Фејсбук