Јолевски-Карпентер:Македонија е силно посветена на евроатлантските интеграции
Република Македонија е силно посветена на евроатлантските интеграции, а за тоа има несомнена поддршка од земјите-членки на Алијансата, особено Соединетите Американски Држави, заклучиле на денешната средба во Скопје, министерот за одбрана Зоран Јолевски и Мајкл Карпентер, заменик-помошникот на секретарот за одбрана на САД.
- Нашето место е во НАТО – Алијансата. Тоа го потврдува и целосниот политички консензус, како и високата поддршка од граѓаните на Македонија, рекол министерот Јолевски, соопшти денеска МО.
Тој додал дека активностите во МО, реформите за унапредување на стандардот на припадниците, процесот на модернизација и високата интероперабилност со армиите на земјите-членки на НАТО, покажуваат дека Македонија не застанува и продолжува да биде подготвена за следниот чекор – членството во Алијансата.
Сето она што го правиме, подвлекол Јолевски, е добро за членството во НАТО, но е особено важно и за нас самите, нашата подготвеност да бидеме гарант на независноста, суверенитетот и територијалниот интегритет на Македонија.
Министерот Јолевски истакнал дека се прават напори за унапредување на образованието и обуката на припадниците на АРМ, додека паралелно силно се вложува во модернизацијата на Армијата, процес кој е во напредна фаза и кој е планиран согласно сите НАТО стандарди.
Заменик-помошникот на секретарот за одбрана, Карпентер се заблагодарил на Македонија и на АРМ за одличните резултати и покажаните способности во мировните мисии, особено „Одлучна поддршка“ во Авганистан. Карпентер ја потворил поддршката на САД за членство на Македонија во НАТО и изразил надеж дека тоа ќе се оствари час поскоро.
- Вие сте посакуван партнер, во мировни мисии, вежби и обуки. Ние ги знаеме вашите капацитети и немаме сомнеж дека ќе бидете дел од Северноатлантската алијанса, додал тој.
Во рамки на посетата на Македонија, заменик-помошникот Карпентер ја посетил и Здружената оперативна команда, односно првата механизирана пешадиска бригада каде се запознал со активностите на јужната граница поврзани со мигрантската криза. Ги посетил и капацитетите на Центарот за обука на пилоти, единствен според понудата во Југоисточна Европа.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка