-->
-->
Јилдерим: Русија може да ја користи базата Инџирлик доколку тоа биде неопходно
-->
Турскиот премиер Бинали Јилдирим вчера изјави дека Русија не побарала од неговата земја користење на воената база Инџирлик, но дека таа база може да биде користена доколку тоа се покаже за неопходно, јавија светските агенции.
Француските медиуми наведуваат дека Јилдерим изјавил дека на Русија оваа база не и е потребна бидејќи веќе има две бази во Сирија.
Одговарајќи на прашањето на еден од новинарите, премиерот наведе дека руската страна не се обратила со барање да ја користи базата Инџирлик, на југот од Турција, јавија руските медиуми.
-Таа информација не е точна, но доколку биде неопходно, базата Инџирлик може да се користи, наведе Јилдирим, и додаде дека верува дека на Русија не и е потребно користењето на оваа база.
-Турција ја отвори базата Инџирлик заради борбата против терористите од ДАЕШ. Неа ја користат САД и Катар. Другите земји, исто така, можат да побараат да ја користат оваа авио-база, во која сега делуваат и Германците. Што се однесува до Русија, немавме такво обраќање. Мислам дека и нема потреба за такво нешто, затоа што постојат две бази во Сирија на оддалеченост помала од 150 километри. Заради тоа на тие соопштенија не треба да им се верува, објасни Јилдирим.
Авио-базата Инџирлик ја користат воздухопловните сили на САД и Турција, а нејзината работа е регулирана со Спогодбата за воена и економска соработка меѓу двете земји, наведуваат руските медиуми.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација