Извршен увид на сообраќајката во Кавадарци во која загина едно лице
Јавен обвинител од Основното јавно обвинителство Кавадарци заедно со увидна екипа од ОВР Кавадарци изврши увид на самото место каде вчера околу 17:00 часот се случи сообраќајна несреќа во која животот го загуби едно лице, соопшти Јавно обвинителство на Република Македонија.
На регионалниот пат Кавадарци, кај градските гробишта, се случила сообраќајна незгода помеѓу трактор „Урсус“ со приколка, управуван од 24-годишен жител од Кавадарци, патничко возило „голф“, управувано од жител на село Дабниште, Кавадаречко, на возраст од 51 година, и патничко возило „опел вектра“, управувано од 46-годишен кавадарчанец. Според првичните сознанија, до незгодата дошло при обид на возачот на „голфот“ да го престигне тракторот со приколка. На местото на незгодата од тешките повреди починало едно лице (54), сопатник во „голфот“. Четири лица со телесни повреди се пренесени во здравствени установи за натамошно укажување лекарска помош и лекување.
За расчистување на причините за сообраќајната несреќа, јавниот обвинител издаде наредби за обезбедување и прибирање на траги од самото место, како и за сообраќајно – техничко вештачење.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање