Израелската полиција приведе петмина фински државјани, меѓу кои и парламентарка
Израелската полиција приведе петмина фински државјани, меѓу кои и една парламентарка.
Финската парламентарка Ана Контула и четворица фински хуманитарни активисти се приведени откако се обиделе да ја преминат оградата што го одделува Израел од блокираниот палестински појас Газа.
Израелскиот весник „Хаарец“ пишува дека финските активисти се обиделе да ја преминат оградата во знак на протест поради големата хуманитарна криза во Газа.
– Очекуваме сите посетители, а особено јавните службеници, да ги почитуваат израелските закони, соопшти израелското Министерство за надворешни работи.
Финската амбасада во Израел одби да го коментира инцидентот и порача дека активноста на Ана Контула била приватна, а не службена.
Од Газа го осудија приведувањето на финските активисти.
Палестинците секој петок протестираат на границата на блокираната енклава Газа и бараат прекин на 12-годишната блокада што ја уништи економијата во тој крајбрежен регион.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија