Изложба на дела од школата за графички дизајн во Виница
Во домот на културата „Тошо Арсов“ во Виница е отворена изложба на графички креативни решенија, како завршница на школата за графички дизајн „Импостер“ на која учествуваа ученици, студенти и професори од Виница и Кочани.
Во рамки на школата во октомври се одржаа тридневни работилници под менторство на виничанката Маријана Иванова која е магистер по фини уметности, а со финансиска поддршка од Министерството за култура како дел од манифестацијата „Нов културен бран“. Придонес во техничката реализација на работилниците дадоа и домот на културата од Виница и Школата за цртање и сликање од центарот за култура „Бели мугри“ од Кочани.
– На изложбата се претставени 27 графички творби, по една од секој учесник на школата за дизајн. Освен практичната работа, имаше и обуки во три области – историја на графичкиот дизајн, модерните тенденции и графичкиот дизајн кај големите компании, како и искуствата со клиенти. Интересот кај учесниците беше доста голем, а финалните производи од работилницата се иновативни и прилично квалитетни, истакна Иванова.
Учесниците на школата „Импопостер“ креираа дизајни за лого, етикети за продукти и рекламни плакати, а на завршната изложба во Виница делови од нивните творби беа претставени како отпечатоци на маици.
Поради големиот интерес за изучување на графичкиот дизајн меѓу младите во Виница и Кочани, активностите на школата ќе продолжат и во наредниот период, при што во план е проектот да се реализира со втора етапа за која се очекува поддршката од Министерството за култура.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација