Изложба „Цвеќе“ отворена во Струмица
Во Домот на АРМ во Струмица денеска беше отворена изложба на тема „Цвеќе“ во организација на Домот за деца и млади „Благоја Јанков Мучето“. Станува збор за изложба која првпат се организира како најава за истоимената манифестација која ќе почне овој месец.
- Секој мај нашата институција организира триделна манифестација „Цвеќе“ со ликовен конкурс, цртање на асфалт или хамер и аранжирање цвеќе. Годинава сакавме пред почетокот на новата, да ги изложиме делата од ланската година за на децата да им ја вреднуваме љубовта, вниманието и трудот кој го вложиле за овие дела, изјави Светлана Мазгалоска-Вучетиќ, раководител на Домот за деца и млади „Благој Јанков Мучето“.
Меѓу 31 цртеж на изложбата се вклучени и дела на учениците кои ги изработија на ликовниот конкурс за денот на пролетта.
„Цвеќе“ е републичка манифестација на која организаторите и годинава очекуваат голем интерес од основните училишта од цела Македонија.
Велат дека се отворени за соработка со други институции кои би сакале да ги изложат и презентираат делата направени на овие манифестации.
Ново на Сител
-
Вработените во културните институции преку протести си ја бараат изработената плата и покачувањето кое им следува
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците