Македонија
13. November 2015 - 14:59

Изградена фекална канализација во Трештен дол во Крива Паланка

Заврши изградбата на фекална канализација во „Бојанов дол“ во  населбата Трештен дол во Крива Паланка.

Канализација е дел од  проектот кој опфати изградба на канализациска мрежа во населбата Бојанов Дол и населбите Баглак 1 и Баглак 2, лоцирани на десниот брег на Крива Река, информираат од Одделението за изградба и одржување во општина Крива Паланка.

- Со изградбата на канализацијата решен е долгогодишниот проблем  за прифаќање на отпадните води во овој дел од населбата кои правеа проблеми во секојдневното функционирање на населението при надоаѓањето на атмосферските води, ијави Никола Граматиков, раководител на Одделението за изградба и одржување во општина Крива Паланка.
 
Потенцира дека со каналиациската мрежа се опфатени околу 100 домаќинства.
 
Изградена е фекална канализација за жителите на улиците „Баглачка“, „Македонска“ и „Ратко Минев“ . Вкупната вредност на проектот е седум милиони денари, средства од Европската банка за обнова и развој и Министерство за транспорт и врски на Република Македонија.