Италија: Приведени 22 лица при потрага по озлогласениот мафијаш Денаро
Италијанската полиција денеска приведе 22 лица, осомничени дека се дел од сицилијанската мафија, а во рамки на операцијата за потрага по најбараниот италијански мафијаш, шефот на „Коза ностра“ Матео Денаро.
Рациите се спроведени во провинцијата Трапани, во западниот дел на Сицилија, а цел беа членови на т.н. мрежа „пицини“, што се однесува на систим шифрирани пораки напишани на хартија, поради кои Денаро е се уште во бегство.
Матео Денаро (55) е во бегство од 1993 година. Познат е и како „Ролекс“, затоа што, покрај убавите жени и брзите автомобили, сака и скапи часоници, и Дијаболик, поради својата крвава историја.
Досегашната истрага против него не даде никакви резултати, иако се уапсени речиси сите негови роднини, меѓу кои и брат, сестра, нејзиниот маж, нивните деца.
Денаро се смета за можен наследник на „шефот на шефовите“ Салваторе Тото Рина, кој минатата година почина во затвор, каде издржуваше затворска казна од 26 доживотни робии.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина