Исмаили – Медински: Продлабочување на релациите во областа на македонско – руската културна соработка
Министерот за култура Хусни Исмаили синоќа во рамките на Меѓународниот форум за културна соработка во Санкт Петербург се сретна со неговиот руски колега Владимир Медински при што разговарале за досегашната успешна соработка во делот на културата меѓу двете земји, која досега резултираше со реализација на повеќе квалитетни содржини како пред руската така и пред македонската публика.
Како што соопшти Министерството за култура, на средбата Исмаили го информираше рускиот министер за големиот интерес што кај македонската јавност ја предизвика изложбата „100 раритети на руската државност“, која неодамна беше отворена во Музејот на македонската борба, и претставува потврда за длабоките врски на Русија со словенските земји, но и го потврдува пријателството меѓу двете држави.
Беше истакната, се посочува, и соработката во рамките на УНЕСКО, како и во рамките на Меѓународната фондација „Форум на словенските култури“, преку која се реализираат заеднички проекти и активности за зачувуваље на културните традиции на словенските народи.
-Министрите Исмаили и Медински изразија уверување дека пријателските односи меѓу нашата земја и Руската Федерација и во наредниот период ќе придонесат за продлабочување на релациите во областа на културата со уште понагласена динамика, стои во соопштението од Министерството за култура.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка