Свет
9. March 2016 - 9:16

Иран тестираше две балистички ракети

Иранската револуционерна гарда тестираше изутринава две балистички ракети, јавија ирански медиуми.

Двете ракети се истрелани во рамки на воената вежба од територијата на северниот дел на Иран и тие погодија цели во југоисточниот дел на земјата, оддалечени 1.400 километри. 

Техеран и вчера соопшти дека иранските вооружени сили извршиле нови тестирања на балистички ракети за да ги демонстрираат „моќта на застрашување“ и „подготвеноста на земјата да ги употреби сите расположливи средства во соочување со заканите насочени против територијалниот интегритет на Иран“.