Интензивна берба на овошје во Куманово, Липково и Старо Нагоричане

 Интензивно се бере овошјето на подрачјето на  територијата на општините Куманово, Липково и Старо Нагоричане. Реколтата најчесто се користи за сопствени потреби, а дел се нуди и на локалните пазари, информира Бранкица Димковиќ од подрачната единица на МЗШВ Куманово.

 

Кајсијата била засадена на површина на 44,7 хектари од кои на 34 ја саделе индивидуалните земјоделци, а претпријатијата на површина од 10,7 хектари. Досега биле обрани 12 хектари од насадените површини, при што бербата целосно ја завршиле фирмите и откупени се 158 тони кајсија.

 

Производителите годинава саделе праска на површина од 22 хектари, од кои 19 хектари саделе земјоделците, а три претпријатијата.

 

Според информациите на подрачната единица, очекуваното производство е 396 тони, од кои 360 претријатија, а земјоделците 36 тони. Остварениот просечен принос кај земјоделците е 19 тони, а досега биле откупени 28,5 тони количини праска. Крушата годинава била насадена на 73,9 хектари. Претпријатијата ја саделе на површина од  8,9, а земјоделците на 65 хектари. Годинава  се очекува да бидат произведени 1.386 тони, од кои 1.365 ќе произведат земјоделците, а претпријатијата 21 тон.