Инсталирани повеќе нови канализациони мрежи во Гевгелиско
Со околу 50 милиони денари, општина Гевгелија во повеќето населени места инсталира нови канализациски мрежи кои беа приоритетни проекти во програмата за подобрување на квалитетот на живеење што ја реализира тимот на гевгелискиот градоначалник Иван Франгов.
Инаку, денеска заврши изградбата на новата канализациска линија во селото Моин за која беа потрошени 8,3 милиони денари, а во завршна фаза се работите околу поставувањето на канализација во селото Давидово која ќе чини 8,9 милиони денари.
- Овие два проекта ги реализираме со средства од ИПАРД програмата преку Агенцијата за финансиска поддршка на руралниот развој.Во Давидово малку доцниме со реализацијата поради проблеми со земјиштето и некои измени и дополнувања што беа направени на проектот. Пречките се отстранети и очекуваме канализацијата и во Давидово да биде готова наскоро, информираат надлежните од Општина Гевгелија.
Претходно, со финансиска помош од програмата за канализациски системи на Министерството за транспорт и врски беа изградени и предадени во употреба канализациските мрежи во Прдејци и Мрзенци за што се потрошени 31 милиони денари.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово