Инфо-сесија за првиот регионален повик на Фондот за Западен Балкан
Министерството за надворешни работи на Република Македонија во координација со Фондот за Западен Балкан (ФЗБ), денеска во Скопје ќе одржи официјална Инфо-сесија за првиот објавен повик за поддршка на проекти.
Како што информираат од МНР, целта на инфо-сесијата, која се одржува во рамките на повикот, ќе биде подетално запознавање со насоките и правилата за апликација како и генералните критериуми и вредности кои се очекуваат од апликантите.
Повикот за поддршка на проекти за непрофитни организации, согласно статутот и целите на Фондот, беше објавен на 15 ноември, а крајниот рок за нивно доставување е 22 декември 2017 година.
ФЗБ со седиште во Тирана, е регионална иницијатива оформена со заедничка одлука на министерствата за надворешни работи на шесте држави од Западниот Балкан (Македонија, Србија, Албанија, БиХ, Црна Гора и Косово) во 2015 година. Главната цел на Фондот е развивање соработка помеѓу земјите членки, зацврствување на односите и регионалната кохезија, како и унапредување на интеграцијата во ЕУ преку поддршка на заеднички регионални проекти.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња