Индустриското производство во декември годинава бележи раст од 10,5 отсто

Индустриското производство во декември годинава бележи раст од 10,5 отсто, а растот за целата година, односно периодот од јануари до декември 2015 во однос на претходната година изнесува 4,9 отсто, објави Државниот завод за статистика.

Индустриското производство во секторот Рударство и вадење на камен во декември 2015 година, во однос на декември 2014 година, бележи пораст од 4,9 отсто, во секторот Преработувачка индустрија бележи пораст од 11,7 отсто, а во секторот Снабдување со електрична енергија, гас, пареа и климатизација пораст од 12,1 отсто.

Според главните индустриски групи, производството во декември 2015 година, во однос на декември 2014 година, бележи пораст кај Енергија за 19,7 отсто, Интермедијарни производи, освен енергија за 6,7 отсто, Капитални производи за 16,3 отсто, Трајни производи за широка потрошувачка за 1,5 отсто и Нетрајни производи за широка потрошувачка за 10,7 проценти.

Бројот на работниците во индустријата во декември 2015 година во однос на декември 2014 година изнесува 1,7 отсто, додека растот на ниво на цела година е 1,8 отсто, објави Државниот завод за статистика.

Бројот на работниците во секторот Рударство и вадење на камен во декември 2015 година, во однос на декември 2014 година, бележи опаѓање од 0,8 отсто, во секторот Преработувачка индустрија бележи пораст од 2 отсто, а во секторот Снабдување со електрична енергија, гас, пареа и климатизација е на исто ниво.

Според главните индустриски групи, бројот на работниците во индустријата во декември 2015 година, во однос на декември 2014 година, бележи пораст кај Интермедијарни производи, освен енергија за 4,5 отсто и Капитални производи за 16,3 отсто, додека опаѓање бележи кај Трајни производи за широка потрошувачка за 4,8 отсто, Нетрајни производи за широка потрошувачка за 1,7 отсто и Енергија за 0,5 отсто.