Инцидент во ноќен клуб во Куманово
Вчера околу 2.30 часот во дискотека во село Проевце, Кумановско, додека лицата Ф.A. (26) и Р.В. (25), двајцата од Куманово, седеле на една од масите, дошол И.Ф. од Куманово и почнал да им се заканува. Од вработените во обезбедувањето на дискотеката бил избркан од објектот. Околу 04.00 часот, Ф.А. и Р.В. со патничко возило „Мини Купер“ со кумановски регистарски ознаки, сопственост на Р.В., тргнале на бензинска пумпа лоцирана на бул. „Октомвриска Револуција“, која се наоѓа во близина на село Проевце. Во непосредна близина на бензинската пумпа, на улицата излегол И.Ф. кој им дал знак да застанат. Р.В. застанал и излегол од возилото, по што И.Ф. со гумена палка го удрил во пределот на главата и побегнал од местото. По кратко време И.Ф. му се јавил на Ф.А. да дојдат во близина на истото место за да се смират. Ф.А. и Р.В. отишле на местото, каде ги чекал И.Ф.. Додека Ф.А. излегувал од возилото, И.Ф. со нож го прободел во десната нога, а потоа со неговото патничко возило „Ауди А3“ со кумановски регистарски ознаки, заминал во непознат правец. Се преземаат мерки за целосно расчистување на случајот.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца