Илјадници Германци излегоа на протест на ПЕГИДА во Дрезден
Илјадници Германци синоќа излегоа на протест во Дрезден, организиран од ПЕГИДА (Патриотски Европејци против исламизација на Западот), по речиси една година откако движењето ја организираше првата акција во овој источногермански град.
Полицијата не објави податоци за бројот на учесници во протестот, кој мина мирно. Според локалните медиуми во протестот учествувале меѓу шест и седум илјади луѓе, додека според независната проценка на Дрезденскиот универзитет на демонстрациите излегле меѓу 7.500 и 9.000 луѓе.
Говорниците, меѓу кои и основачот на ПЕГИДА, Луц Бахман, ја осудија одлуката на владата на канцеларката Ангела Меркел да прими стотици илјади бегалци во Германија.
- Тие не водат директно во европска граѓанска војна, изјави Бахман на митингот пред познатата Дрезденска опера.
Демонстрантите скандираа „Меркел треба да си оди“, „Предавници“ и повикаа за депортирање на бегалците.
Татјана Фестерлинг, која годинава освои речиси 10 проценти од гласовите како кандидат на ПЕГИДА на изборите за градоначалник на Дрезден, изјави дека Меркел треба да поднесе оставка, а провинцијата Саксонија да се оддели од Германија.
Некои од демонстрантите носеа унгарски и руски знамиња и скандираа „Меркел во Сибир, Путин во Берлин“. Организаторите одбија да дадат изјава за новинари, нарекувајќи ги „лажен печат“, израз познат од времето на нацистичката пропаганда.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.