И жените треба да пијат пиво - еве зошто

Умереното пиење алкохол позитивно влијае на здравјето. Некои нови студии покажаа дека пивото, а посебно темното, благотворно влијае на здравјето и убавината на жената.

Ова се причините поради кои и не е така лоша идеја да се испие чаша пиво, по напорен работен ден.

Ги зајакнува коските

Жените кои пијат две пива дневно имаат појаки коски од оние кои не уживаат во овој пијалок. Тоа е резултат на студијата спроведена од Националниот колеџ за невропатска медицина од американската сојузна држава Орегон, објавена во „Natural Medicine Journal“.

Покажа дека пивото содржи значителни количини биоразградлив силициум, кој е важен елемент за градба на коските. Затоа умерено пиење пиво е препорачливо за жени во менопауза.

Против воспалителни својства

Пивото е одличен извор на витамини и минерали како магнезиум, калциум и селен, кои го штитат телото од сезонски болести. Содржи и бројни антиоксиданси кои го зајакнуваат имунитетот.

Хмељ е една од најважните состојки во пивото која е богата со хумол, силно противвоспалително соединение кое ги инхибира ензимите одговорни за воспалителните процеси.

Позитивно влијае на кожата

Пивото е одличен извор на витамините од Б комплексот задолжени за убава и затегната кожа. Помага во одржување на тонусот на мускулите и му дава енергија на телото.

Со оглед на тоа дека телото не зема доволна количина од овие витамини преку храна, потребно е дополнително да се внесуваат. Постои верување дека комарците бегаат од оние кои имаат урамнотежени количини Б комплекс во организмот.

Поради квасецот и хмељот зајакнуваат косата и ноктите. Во стар Египет жените ја миеле косата со пиво, па станувала посјајна и поубава.

Ја намалува надуеноста

Истражувањата покажаа дека црното пиво има повеќе хранливи материи од светлото. Во 350 мл црно пиво има повеќе од 1 грам влакна, додека во иста количина светло пиво има помалку влакна од 1 грам. Влакната влијаат на здравјето на дигестивниот трект, ја намалуваат надуеноста и запекот.

Го убива уморот

Појавата на умор, меѓудругото е поврзана со недостаток на железо во крвта. Тоа тешко се апсорбира од храната па треба да се зема на други начини. Црното пиво е добар извор на тој минерал, а дејството на алкохолот може позитивно да ве ослободи од несоница.

Пивото е богат извор и на витаминот Б 12 кој го нема во растенијата, а е одговорен за создавање на црвени крвни зрнца.

Го штити срцето

Умерено пиење пиво ги зголемува количините на добриот холестерол, а ги намалува количините на лошиот, ја разредува крвта и на тој начин го намалува ризикот од срцев удар.

Една италијанска студија покажа дека жените кои пијат по едно пиво дневно имаат 42 отсто помали шанси за некоја кардиоваскуларна болест, за разлика од оние кои не го пијат.

Хидратација

Шпански истражувачи покажаа дека пивото подобро хидратизира од обичната вода, кога телото ќе достигне повисока температура, како кај спортистите и сериозните рекреативци.