И Ирска привремено ја прекинува вакцинацијата со АстраЗенека
Вакцинацијата со лекот на АстраЗенека треба привремено да се запре додека не се испитаат случаите на згрутчување на крвта, изјави денеска ирскиот заменик-началник за јавно здравје Ронан Глин.
– Оваа препорака е дадена по извештајот на Норвешката медицинска агенција за четири нови случаи на згрутчување на крвта кај возрасни по вакцинирањето со вакцината на АстраЗенека, рече Глин, но додаде дека „сè уште не е заклучено дека постои поврзаност меѓу вакцината на АстраЗенека и овие случаи“.
– Како мерка на претпазливост и во очекување на нови информации, Националниот советодавен одбор за имунизација (НИАЦ) препорача привремен прекин на вакцинацијата со АстраЗенека во Ирска, соопшти Глин.
Норвешка престана да ја користи вакцината уште во четвртокот, по сличен потег на Данска и Австрија која истражува смртен случај поради нарушувања на коагулацијата и случај на белодробна емболија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка