Хуманитарен концерт во Крива Паланка
Синоќа во националната установа Центар за култура, Крива Паланка се одржа хуманитарен фолклорен концерт на кој настапија фолклорните друштва „8 Октомври“ и „Фолклористи“.
Концертот е во организација на Клубот на млади при општинска организација на Црвен крст, Крива Паланка, а се реализира во рамки на програмата Црвен крст во акција-Промоција на хумани вредности (ЦКА-ПХВ).
- Младите волонтери направија истражувања на терен таргетирајќи повеќе семејства во социјален ризик на кои им е неопходна помош од каков било карактер за да им се овозможи достоинствен живот. Во таа насока е и концертот, на кој на наше огромно задоволство се одзваа фолклорните друштва, за што сме им особено благодарни. Влезот беше со симболична сума од 50 денари, а собрани се околу 4.500 денари кои ќе бидат донирани кај едно од семејствата, информира Давор Петровски, координатор на ПХВ тимот.
Истакна дека претстојат уште низа активности и настани од хуманитарен карактер со кои ќе им се обезбеди помош и на останатите семејства во социјален ризик од општините Крива Паланка и Ранковце, опфатени во оваа програма.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка